La regenza grischuna ha approvà il project d'in sistem da pre-avertiment Brattas / God Ruinas e garantescha era ina contribuziun maximala da 312'000 francs per realisar quest project. Il sistem vegnia endrizzà per proteger meglier il territori d'abitadi San Murezzan.
San Murezzan è situà per gronda part sin ina sbuvada gronda che deriva da sbuvadas parzialas Brattas e God Ruinas, scriva la regenza. Dapi ils onns 1970 hai dà examinaziuns geologicas, geotecnicas ed er idrogeologicas en quest territori. Oravant tut è il moviment dal territori visibel tar il clutger tort da San Murezzan. Quel daventa cun ils onns adina pli tort. Differents eveniments sco per exempel plievgia ferma pon chaschunar ch'il territori sa mova pli svelt.
RTR actualitad 08:00