Fernando Giovanoli ha 53 onns ed è da Soglio. El è architect ed aveva candidà sco candidat independent. Fin il december dal 2019 è el stà il vicesindaco da Bregaglia. Avant la fusiun da la Bregaglia è el stà durant 10 onns sindaco da Soglio. Ses temp d'uffizi cumenza l'emprim fanadur e dura fin la fin dal 2023.
Gia en l'emprim scrutini, ils 7 da zercladur 2020, aveva Fernando Giovanoli fatg las pli bleras vuschs, aveva dentant manchentà il pli absolut. Il segund scrutini ha el gudagnà cun 399 vuschs. Maurizio Michael ha fatg 356 vuschs, Marco Giacometti 50 e singuls 13 vuschs. La participaziun a l'elecziun è stada tar 69%.
Jau ma legrel surtut da la auta participaziun a l'elecziun. Quai mussa che questa elecziun ha interessà la glieud.
Successur per Anna Giacometti
Anna Giacometti era la sindaca da Bregaglia dapi la fusiun l’onn 2009. Suenter esser vegnida elegida en il Cussegl naziunal l’atun 2019 ha ella decidì la primavaira 2020 da dar giu il presidi da la vischnanca. Il pensum dals dus uffizis ed ils viadis da la Bregaglia a Berna sajan daventads da memia, ha ella declerà la decisiun.
