La vischnanca da Silvaplauna quinta il 2022 cun in deficit da passa 1,4 milliuns francs. Gievgia saira ha la radunanza communala approvà il preventiv per l'onn che vegn, sco la vischnanca communitgescha. Vitiers resta il pe da taglia tar 62% da la taglia chantunala simpla. Il quint d'investiziuns da Silvaplema per il 2022 munta a passa 9 milliuns francs.
- Er la cunvegna da prestaziun cun la fundaziun dal provediment da sanadad Engiadin'Ota per il 2022 fin il 2025 è vegnida acceptada
- La suprastanza communala è vegnida autorisada da far tractativas da cumpra per la zona da mastergn e per hotels Mandra