Siglir tar il cuntegn

Header

cuntegn

Engiadina Budgetà in minus pli grond

Ils presidents communals da la Regiun Engiadina Bassa Val Müstair han approvà en lur ultima sesida il budget 2018. Quel prevesa in surpli da custs da 2,229 milliuns francs. Ultra da quai ha la conferenza tractà ina dumonda da sustegn per «Mia Engiadina Network SA»

Ils presidents communals hajan decis unanim da sustegnair il project da «Mia Engiadina Network SA» cun in import annual da 30’000 francs. La cunvegna haja dentant anc da vegnir stipulada, scriva la Regiun en sia communicaziun.

Scola e furmaziun

Il studi «Avegnir s-chalin ot illa Regiun EBVM» è vegnì preschentà als presidents communals. Las conclusiuns da quel studi vegnian communitgadas ils 14 da november 2017. Ultra da quai beneventa la conferenza dals presidents da princip il concept elavurà areguard mezs d’infurmaziun e d’instrucziun d’informatica. Dentant è la realisaziun da quel lezia da las singulas vischnancas.

audio
Defizit pli grond co planisà
ord Novitads dals 16.10.2017.
laschar ir. Durada: 43 Secundas.

Budget 2018

Tant la glista da pajas sco er il preventiv 2018 èn approvads da la conferenza. Tar sortidas da 4,468 milliuns ed entradas da 2,218 milliuns francs, resulta in surpli da custs da 2,229 milliuns francs a quint da las vischnancas en la regiun. D’attribuir l’augment da quel import saja surtut a las investiziuns per novas infrastructuras tar l’uffizi da scussiun e falliment, a custs previs per la nova surdada da la rimnada da rument sco er a projects approvads da la conferenza da presidents.

RR novitads 12:00

Artitgels legids il pli savens