Siglir tar il cuntegn
Inhalt

Engiadina Buffalora – il zercladur il pli bletsch dapi 100 onns

Il zercladur passà è stà il pli bletsch zercladur dapi 100 onns sin il pass dal Fuorn. Tenor SRF meteo hai dà 185,7 millimeters plievgia il mais passà.

Aura bletscha si Buffalora il zercladur 2016.
Legenda: Aura bletscha si Buffalora il zercladur 2016. RTR, D. Spinnler

La staziun da mesirar a Buffalora sin il pass dal Fuorn registrescha dapi il 1917 la plievgia e la naiv. La valur maximala d’enfin ussa, dal zercladur 1997, è vegnida surpassada quest onn per bun in millimeter.

Il zercladur 2016 ha era procurà en autras regiuns per records. Sin il Pilatus en la Svizra centrala han ils meteorologs mesirà 277,1 millimeters plievgia, passa dus millimeters dapli che l’onn 1997. Ulteriuras valurs da record annunzia SRF meteo per staziuns da mesirar a Leibstadt, a Gösgen ed a Würenlingen. En tut quellas staziuns vegni dentant mesirà pir davent dals onns 80.

RR novitads 12:00