Siglir tar il cuntegn

Header

audio
Il bus da vaccinar attira blera glieud
Or da Actualitad dals 01.09.2021.
laschar ir. Durada: 02:34 minutas.
cuntegn

Bus da vaccinar Passa 1’000 persunas han laschà vaccinar

Dapi ils 23 d’avust viagia il bus da vaccinar tras differentas vischnancas dal Grischun. En quel pon sa laschar vaccinar persunas spontanamain, senza termin. Il cumenzament ha el fatg a Cuira. Là era la dumonda per la vaccinaziun uschè gronda, ch’i ha dà colonnas davant l’auto da posta. En las regiuns n’è quai betg il cas, ma tuttina saja l’interess avant maun. Durant il di a Müstair han 80 persunas decis da far la squitta.

I na dat betg en mintga lieu tuttina bleras abitantas ed abitants. Perquai na datti er betg dapertut colonnas davant il bus.
Autur: Rudolf Leuthold manader da l'uffizi chantunal da sanadad

Suenter la visita a Müstair e las emprimas 14 staziuns dal bus, demussa la bilantscha intermediara, che 1'050 persunas èn vaccinadas. L’emprima tura tras il Grischun fa il bus da vaccinar anc fin ils 17 da settember. Quatter emnas pli tard cumenza in’ulteriura tura per la segunda squitta. Ils uraris detagliads chattan ins sin la pagina d’internet dal chantun Grischun.

video
Il bus da vaccinar en Val Müstair
Or da Telesguard dals 01.09.2021.
laschar ir

RTR actualitad 17:00

Artitgels legids il pli savens

Scrollar a sanestra Scrollar a dretga