Siglir tar il cuntegn

Header

Il vitg da Ramosch
Legenda: Il vitg da Ramosch RTR, Georg Luzzi
cuntegn

Butia a Ramosch L’interess per ina butia è grond

Radund 100 abitantas ed abitants han mussà interess per mantegnair la butia era en avegnir. Quai il resultat da l'enquista che la Fundaziun Vnà ha fatg ultimamain.

Da quels 100 interessents sa tracti da radund 50 indigens e 50 persunas da segundas abitaziuns. Per il president da la Fundaziun Vnà, Fadri Riatsch, è quai ina buna basa per proseguir cun la realisaziun da mantegnair era en avegnir ina butia en il vitg.

La maioritad ha infurmà ch’els prevesan da sustegnair finanzialmain la butia, auters da star a disposiziun per lavurar en ina gruppa da lavur e singuls èn da l’avis ch'ina butia dovra era in café dasperas.

La Posta ha signalisà cleramain ch'ella vegnia a bandunar la fracziun da Ramosch e midar sin il servetsch da chasa. Ed er il turissem prevesa d'elavurar ina nova strategia. Co quella guarda ora n’è dentant anc betg enconuschent. Ils responsabels vulan communitgar quai proximamain.

RR Total local 11:00