Ils campaders d’enviern sin il campadi Morteratsch a Puntraschigna èn flexibels e carezzan la natira. Las fradaglias na disturban betg – tuttina schazegian els il confort d’ina rulotta stgaudada. Sco campader d’enviern ston ins numnadamain adina puspè esser pront per ina surpraisa. Uschia po midar l’aura d’in mument sin l’auter ubain ch’ins resta pitgà causa las temperaturas bassas. Adina puspè sto perquai entrar en acziun il servetsch da pannas e dar agid da partenza ad autos u auto-rulottas.
Fradaglia nagin tema
Pensar ch’ins sto patir dal fraid saja faus, di Hans Puorger. Dapi intgins onns viva el cun sia dunna durant l’enviern sin il campadi Morteratsch.
Blers crajan ch’ins patescha fraid. Quai n’è però betg il cas. Nua vain adina bel chaud en nossa rulotta.
Per Vreni e Hans Puorger n'è la vita sin il campadi betg ina gronda differenza da quella en in'abitaziun. Els hajan er là ina televisiun ed ultra da quai giaudan els las sairas en cumpagnia.