Siglir tar il cuntegn

Header

cuntegn

Campiunadis mundials 2025 Big Air sin areal da l’anteriura schanza olimpica

Durant ils campiunadis mundials da Freestyle ch'han lieu l’enviern 2025 a San Murezzan, duai vegnir realisada ina schanza da Big Air sin l’areal da l’anteriura schanza olimpica a l’ur da San Murezzan. Quella è vegnida sbuvada l'onn 2014. Sco ils responsabels scrivan en ina communicaziun, duai vegnir realisà in implant temporar, fabritgà oravant tut cun naiv.

Schliaziun pratica

Dals differents lieus che sajan vegnids evaluads, haja l’areal tschernì persvas il pli fitg. Numnadamain saja quel bain cuntanschibel ed el porschia avunda lieu per ils var 10’000 aspectaturs spetgads. Vinavant saja la cuntrada cun sia costa pratica per construir la schanza da Big Air. Tenor la communicaziun è er previs da porscher sper l’occurrenza sportiva in vast program accumpagnant.

Ils proxims dis veglian ins inoltrar la dumonda da fabrica tar la vischnanca da San Murezzan. Cura ch’il process da permiss è tras, vegnia cuntinuà cun la planisaziun detagliada. Las autras disciplinas dals campiunadis mundials da Freestyle 2025 han lieu en il territori da skis Corviglia sur San Murezzan e Corvatsch sur Silvaplauna.

RTR novitads 17:00

Artitgels legids il pli savens