L’introducziun da la carta da giasts per pudair nizzegiar ils meds publics sur tut la regiun turistica ha gì da spetgar 15 onns. Finalmain haja ina firma da transports externa preschentà ina varianta pussaivla era per l’Engiadina Val Müstair e Samignun, uschia la directura dal turissem Martina Stadler. Plinavant haja quai duvrà discussiuns intensivas cun las singulas vischnancas.
Finanziaziun sur la taxa da cura
La carta da giasts vegn finanziada sur las taxas da cura. Quellas vegnan perquai adattadas levamain en tut las vischnancas che participeschan
3 onns project da pilot
La carta vegn introducida a partir dal 2022 enfin l’onn 2024. Durant quel temp vegnan ramassadas las experientschas e lura pir vegn decis definitivamain, sche questa carta vegn mantegnida a lunga vista.