Engiadina - CAS vul attrair dapli famiglias en chamona
Tschintg chamonas dal Club Alpin Svizzer porschan programs spezials per giuven e vegl. Entant ch’ils creschids pon ir en muntogna u a rampignar, tgira il team da chamona ils uffants e trategna els cun aventuras enturn chamona.
Cun il project «vacanzas per famiglias» vul il CAS surtut animar famiglias da passentar in pèr dis en las muntognas e porscher insatge per ils differents interess. Uschia è gia il viadi si tar la chamona in’aventura nua ch’ils uffants pon scuvrir a maun da tablas las bellezzas da la natira.
Animaziun per uffants
Entant ch'ils geniturs pon ir a far ina tura pli lunga u er ir en regiuns aut-alpinas cun ina guida-muntogna, han ils uffants la pussaivladad da scuvrir il mund da flora e fauna, els emprendan ils emprims pass per ir a raiver, u giaudan la vita simpla cun differents gieus. Quai tut cun agid e sustegn d’ina persuna ch'è responsabla per l’animaziun dals uffants.
audio
Project da pilot dal CAS per generar dapli pernottaziuns
03:42 min, ord Actualitad dals 25.07.2018.
laschar ir. Durada: 3 minutas 42 Secundas.
Idea gia enconuschenta
Inizià l’idea da porscher vacanzas per famiglias en chamonas dal CAS, ha Ursula Hofer. Ella è la capo-chamona sin la Lischana sur Scuol. L’austriaca enconuscha gia dapi sia uffanza pussaivladads en muntogna ch'animeschan er ils pli pitschens da chaminar ed ir en muntogna.
Chombras per famiglias
Las 5 chamonas che sa participeschan quest onn a l’acziun, porschan tuttas er chombras pli pitschnas da 4 u 5 letgs, nua che tut la famiglia po durmir ensemen. Cumprais en il pachet pauschal è sper la pernottaziun e pensiun plaina er l’animaziun per ils uffants. Grazia a l’acziun dal CAS vul il club era procurar per dapli pernottaziuns en las chamonas.
1 / 18
Legenda:
L'animatura Urezza Felix durant preparar il rampignar cun ils uffants.
RTR, Armon Schlegel
2 / 18
Legenda:
Timo e Nils Suter èn er buns da sa trategnair sez enturn la chamona.
RTR, Armon Schlegel
3 / 18
Legenda:
In bel sentiment da vesair la Chamona suenter in viadi da var trais uras.
RTR, Armon Schlegel
4 / 18
Legenda:
Ursula Hofer è dapi trais onns cun corp ed olma guardia-chamona sin la Chamona Lischana.
RTR, Armon Schlegel
5 / 18
Legenda:
Mintga di enturn las nov la damaun cucca il sulegl sur il Piz Lischana ora.
RTR, Armon Schlegel
6 / 18
Legenda:
L'entrada da la Chamona Lischana è vegnida renovada il 2003.
RTR, Armon Schlegel
7 / 18
Legenda:
La cuschinunza Ursula Hofer vid preparar il menu da mezdi.
RTR, Armon Schlegel
8 / 18
Legenda:
La terrassa avant la Chamona Lischana è ina plazza ideala per giudair la vista sin las muntognas.
RTR, Armon Schlegel
9 / 18
Legenda:
Nils Suter è cuntent da betg stuair ir en muntogna cun ses geniturs.
RTR, Armon Schlegel
10 / 18
Legenda:
La tenda da tipi entamez la natira nua ch'ils uffants pon er far sez fieu.
RTR, Anna Caprez
11 / 18
Legenda:
Er ils pli simpels gieus cun crappa pon fascinar.
RTR, Armon Schlegel
12 / 18
Legenda:
La tenda da tipi è situada paucas minutas davent da la chamona, dentant betg visibla per mintgin.
RTR, Armon Schlegel
13 / 18
Legenda:
Enturn ed enturn il tipi: crappa, grippa e muntogna.
RTR, Armon Schlegel
14 / 18
Legenda:
L'indigena Urezza Felix è responsabla per il program da trategniment per ils uffants.
RTR, Armon Schlgel
15 / 18
Legenda:
En la tenda da tipi pon ils uffants giugar ed er far fieu.
RTR, Armon Schlegel
16 / 18
Legenda:
Per far fieu en las muntognas, vuli er laina.
RTR, Armon Schlegel
17 / 18
Legenda:
Era ils nums da las differentas flurs alpinas interessan ils giasts sin la Lischana.
RTR, Armon Schlegel
18 / 18
Legenda:
Ils geniturs Petra e Michael Suter èn da return da lur tura.
RTR, Armon Schlegel
Emprimas experientschas
Sco che Ursula Hofer ha declerà, haja l’acziun cumenzà en moda modesta, ma quai saja gist ideal per cumenzar. Dentant sajan las reservaziuns en la Chamona Lischana per las proximas emnas fitg bunas, tranter auter grazia la bell’aura prognostitgada.
Da la partida tar il project ch'il CAS ha lantschà questa stad èn:
