Siglir tar il cuntegn

Header

cuntegn

Center da sanadad a Scuol Diversas fisioterapias sut in tetg

Da nov duai dar in center da cumpetenza per fisioterapia sut il tetg dal Center da sanadad Engiadina Bassa. Quel coordinescha ils termins da l'Ospital, la Clinica Curativa, il Bogn Engiadina ed en la chasa da tgira Puntota.

Uschia possian ins nizzegiar meglier sinergias scriva il Center da sandà Engiadina Bassa. Ils ultims mais hajan ins «fatg fit» per l'avegnir las purschidas da fisioterapia en l'ospital ed en il Bogn Engiadina. Davent il prim da fanadur cumenza il nov center da cumpetenza sia lavur.

Radund 20 differentas terapias

Ina da las caracteristicas da la purschida da terapias è la terapia d'aua en il Bogn Engiadina. I vegn dentant er offrì la fisioterapia da sport, terapia medicinala da trenament, terapia manuala, fisioterapia cun uffants (dal pop fin en la vegliadetgna da giuvenil), terapia viscerala, terapia da respirar reflectorica e autras. Tut en tut dettia ina purschida da passa 20 terapias spezialas, uschia vegn cità il directur dal center da sanadad, Joachim Koppenberg.

RTR novitads 06:00

Artitgels legids il pli savens

Scrollar a sanestra Scrollar a dretga