En furma dad in project da pilot ha il manaschi da sanadad dal Tirol dal Sid ed il «Center da sanadad Val Müstair» suttascrit questa cunvegna da collavuraziun. Tar cas d'emprim agid duain abitantas ed abitants da la vischnanca da Tuer (Taufers) en l'Italia, l'emprima vischnanca gist dador il cunfin, trair a niz las prestaziuns da l'ospital en Svizra che sa chatta a Santa Maria.
L’ospital a Santa Maria sa chatta mo 3 kilometers davent da Tuer. Quel a Schlanders en l'Italia sa chatta 30 kilometers davent. Tar cas urgents po questa collavuraziun salvar la vita, è l’argument principal.
Ils 22 da zercladur han las responsablas ed ils responsabels da las duas instituziuns menziunadas preschentà uffizialmain la cunvegna che duai durar en furma dad in project da pilot enfin la fin dal onn 2024. Sche la collavuraziun funcziunescha duai quella vegnir manada vinavant.