Siglir tar il cuntegn

Header

Il cot da mai - fotografà da Cesare Mauri
Legenda: Il cot da mai - fotografà da Cesare Mauri Cesare Mauri - www.naturfotografie-engadin.ch
cuntegn

Cesare Mauri In clic il dretg mument – quai è sia passiun

Il fotograf Cesare Mauri da Scuol è fascinà dals animals dal guaud – e quai gia dapi uffant. Empè dad ir a chatscha cun il schluppet va el cun l'apparat da fotografar.

A bun’ura, la saira, insumma da tut las uras è il fotograf d’animals Cesare Mauri da viadi en tschertga dal motiv ideal. El è bun da star enfin set uras quiet sut ina cuverta u ina tenda e spetgar per pudair fotografar il cot da mai (Wiedehopf) – a la fin fa mal il dies ed ils schanugls.

Per pudair far la fotografia ideala ha el stuì emprender il cumportament da l'animal, ma quel interess ha el gì gia durant il temp da scola. Da giuven lura ha el cumprà in apparat da fotografar ed oz e quai sia gronda passiun.

Dapi radund tschintg onns lavura el mo pli a temp parzial per pudair avair avunda temp per far fotografias dad animals sco il tschess barbet, il luf, il tschierv ed oravant tut ils utschels pitschens e gronds.

RTR actualitad 08:00

Artitgels legids il pli savens

Scrollar a sanestra Scrollar a dretga