Passa 1'300 passlunghistas registrescha la cursa da dunnas quest onn. Quai è in record. Cumenzà aveva tut avant 20 onns cun strusch 780 curridras.
La fulla ha dà la raschun
Oravant tut la fulla tar il start dal maraton era il motiv. Per avair ina buna plazza da partenza ins stueva esser a temp al lieu e lura er avair la fortuna da chattar ina buna plazza – il umens eran qua in zichel pli frechs che las dunnas. Iniziant da la cursa da dunnas era l'anteriur CEO Emil Tall. Lez ha creà la cursa cun success.
La cursa è ina prova
La cursa da dunnas è oz era ina prova en vista al maraton da skis engiadinais. Differentas dunnas che sa participeschan a quella cursa sa chattian era en ils rangs davant tar la cursa dal maraton.
Oz è la cursa da dunnas per giuven e vegl. La pli veglia dunna che sa participescha è da l'onn 1936. La cursa da dunnas attira oravant tut gruppas, sco talas da l’acziun «go 4 Frauenlauf». A lezza acziun sa participeschan fin uss passa 40 gruppas.
RR actualitad 17:00