Per la segunda giada na datti naginas stgellas che strasunan tras las vias en Engiadina, Val Müstair, Bregaglia, Puschlav, Mesoc ma era en il Surset e Val d’Avra.
Tenor infurmaziun dal Departament chantunal d’educaziun, cultura e protecziun dal ambient na saja quai betg ina decisiun da la regenza grischuna. Ma las restricziuns pli severas ch'il Cussegl federal ha avisà, n’admettan betg da realisar talas festivitads.
Gist per vischnancas nua che quella tradiziun ha ina gronda muntada è quai ina novitad nauscha. Per ils uffants è quai ina da las pli bellas festas da l'onn ed ussa ston els desister anc ina giada sin lur festa e laschar a chasa lur plumpas e giaischlas.
Ord l'archiv
Chalandamarz era mintg'onn tema tar RTR. Qua in pitschen sguard en il archiv.
