Chalandamarz il matg - Scolars da la Val Müstair fan canera a Berna
Cun zampugns talacs e stgellas èn scolaras e scolars da la Val Müstair ids a Berna per far Chalandamarz. Tradiziuns vivas ha vulì mussar il martgà dals parcs svizzers e da l'UNESCO Svizra. Uschia ha il parc da la Biosfera Val Müstair preschentà dasper ils products regiunals era il Chalandamarz.
Legenda:
Per il martgà dals parcs svizzers han las scolaras ed ils scolars da la Val Müstair pachetà ora anc ina giada la chamischa da Chalandamarz, las plumpas e las giaischlas.
RTR / Fabia Caduff
2 / 6
Legenda:
Las chanzuns han els trenà anc ina giada en il bus durant il viadi a Berna.
RTR / Fabia Caduff
3 / 6
Legenda:
Trais giadas han els fatg per 10 minuts Chalandamarz sin la plazza federala.
RTR / Fabia Caduff
4 / 6
Legenda:
Per ils scolars è quai stà ina bella ma speziala experientscha. I saja stà curius ma flot da far Chalandamarz il matg, han ditg scolaras e scolars.
RTR / Fabia Caduff
5 / 6
Legenda:
A la glieud hai plaschì. Las scolaras ed ils scolars hajan era survegnì dumondas per sa laschar fotografar ensemen cun Bernais e turist.
RTR / Fabia Caduff
6 / 6
Legenda:
Dentant saja stà in zic chaud cun chapitscha e chamischa sut il sulegl da la primavaira.
RTR / Fabia Caduff
I saja schon in zic curius da trair en la chamischa da Chalandamarz il matg, ha ditg ina scolara da la Val Müstair. Dentant saja quai era ina «coola» excursiun da pudair ir a Berna. Oravant tut n'haja ella oz perquai nagina matematica, di ella cun in rir. Era sias collegas conferman: bel ma curius. La chamischa saja in zic chauda per la bell’aura e las temperaturas enturn 20 grads sin la plazza federala, ma quai na fetschia nagut. Uss speran era ellas ch'i daventia finalmain pli chaud suenter avair fatg era il matg Chalandamarz.
