Chaltgera da Suren è vegnida refatga

Ina chaltgera a Suren/Sent ch'era pli u main en malura ha pudì vegnir refatga. Durant il mais da zercladur han pudì vegnir terminadas las lavurs da miradurs. Ussa è quella chaltgera vegnida chargiada e l’arsa è prevesida ils 14 d'october.

La chaltgera cun il lieu per far fieu ed emplenida per  l'emprima arsa Bild in Lightbox öffnen.

Legenda da maletgs: La chaltgera cun il lieu per far fieu ed emplenida per l'emprima arsa Reto Mayer

Davos il project «restauraziun chaltgera Suren Sent» stattan il center d’art contemporan Nairs ed il spezialist da chaltgera e miradur Johannes Wetzel da Scuol. La part organisatorica ed administrativa è vegnida fatga dal center da Nairs, las lavurs al lieu èn vegnidas manadas da Johannes Wetzel.

Bleras persunas han gidà

Per realisar quellas lavurs han ins duvrà l’agid da bleras varts. Il grond agid finanzial è vegnì da la Pro Helvezia, ma agid hai er dà da la protecziun da monuments dal Grischun e da la protecziun da la patria. Plinavant han bleras persunas privatas e differentas firmas fatg blera lavur gratuita. Tenor Christoph Rösch, il directur da Nairs custa il project radund 90’000 francs, 30’000 francs èn effectivs il rest è vegni fatg lavurs da voluntaris.

RR Actualitad 17:00