Datiers dad ina chamona a Sivü tar Zernez è in alpinist sa disgrazià la sonda. Quai ha communitgà la Polizia chantunala. Il Svizzer da 57 onns saja partì persul sin ina tura. Cura ch’el na saja betg turnà la saira, hajan collegas infurmà la polizia. Ensemen cun commembers dal Club alpin svizzer haja quella tschertgà l’um. En vischinanza da la chamona, en territori maltransibel, hajan els chattà la bara da l’um la sonda saira.
La Polizia chantunala investighescha en chaussa.
audio
Per tadlar: las novitads da las 10:00
02:36 min, RTR Audio dals 12.10.2020.
laschar ir. Durada: 02:36 minutas.