Dapi l’enviern passà ha la chamona Heidelberg il problem da la pidra da letg (Bettwanzen). Quai conferma il president communal da Valsot. Il fanadur è il vitg vegnì infurmà da la «Bezirkshauptmannschaft Landeck» che la chamona – che sa chatta sin territori dal vitg da Valsot – saja pertutgada dal parasit.
Il president communal ha immediat contactà ils responsabels e pretendì ils protocols da las mesiras per cumbatter il parasit. Tenor quels haja ina firma svizra prendì las mesiras necessarias. Ina conferma sch'il parasit è entant eliminà u betg, n'ha la vischnanca anc betg.
La chamona Heidelberg en Val Fenga sa chatta sin territori svizzer. Ella appartegna però al «Deutscher Alpenverein» secziun Heidelberg.
RR novitads 12:00