Durant ils mais da stad vegn la chamona Linard manada da la secziun Engiadina Bassa dal CAS. Ospitanta ubain ospitant èn commembers dal CAS che fan quella lavur voluntarmain, senza paja. In dad els è Walter Erni. El e trais dals biadis èn quest’emna responsabels per il bainstar dals giasts. Noss reporter Georg Luzzi è stà sur notg en la chamona e rapporta tge che capita en ils auts.
Tut ils ospitants e las ospitantas èn voluntarias
La chamona Linard è vegnida fabritgada il 1902 en stil tradiziunal. Suenter è ella vegnida renovada pliras giadas – la davosa giada il 1995. Ella ha plazza per radund 38 persunas e vegn gestiunada mo durant ils mais da stad. Durant l’enviern pon ins nizzegiar ella da moda autonoma. La chamona Linard sa chatta tranter la Val Sagliains e la Val Lavinuoz ed è cuntanschibla davent da Lavin.
Piz Linard sco finamira
Ina da las rutas preferidas è la rampignada sin il Piz Linard sin 3'411 meters sur mar – il piz il pli aut da la chadaina da muntognas Silvretta. I sa tracta dad ina rampignada da grad da difficultad moderà. Auters pizs attractivs accessibels davent da la chamona èn il Piz Glims ubain er il Piz Sagliains. Davent da la chamona datti bellas excursiuns en direcziun dal Pass dal Flüela, da la chamona Tuoi, ma era enfin a Claustra en il Partenz.
Salvament da la REGA
In bab cun sia figlia avevan previs dad ir sin il Piz Linard. Cun turnar dal piz han els però pers la senda e betg turnads a temp in chamona. Il guardiachamona Walter Erni ha sin quai clamà la Rega. Quels han chattà els sin radund 3’200 meters sur mar e pudì sgular enavos els san e salv en chamona.
