Sin ina via cuverta da naiv a Champfèr èn dus autos collidads il venderdi a bun'ura. Pliras persunas èn vegnidas blessadas. In automobilist da 29 onns charrava cun trais passagiers vers San Murezzan. En ina storta dretga saja el vegnì sin il vial oppost e collidà cun in auto che vegniva encunter, scriva la Polizia chantunala.
Cun blessuras levas fin mezgrevas han ins transportà ils trais passagiers da l'emprim auto – en l'ospital a Samedan. Ils vehichels cun gronds donns èn vegnids chargiads e transportads davent. La raschun da l'accident vegn uss sclerida da la Polizia chantunala grischuna.