Siglir tar il cuntegn

Header

cuntegn

Engiadina Chargiar energia sin in banchin en Engiadina

Ils emprims bancs da total 27 èn installads en Engiadin’Ota. Tar quella construcziun da lain pon ins dad ina vart far la pausa. Da l’autra er emplenir differentas battarias e duvrar il medem mument l’access en la rait, per survegnir infurmaziuns actualas.

Ils «bancs d’energia» porschan la pussaivladad da seser e da reemplenir da tuttas sorts battarias. Quai grazia a tschintg differents attatgs ch’èn installadas en il banc da lain. Uschia pon tant ciclists cun lur e-bike chargiar energia, sco er mintgin tatgar ses telefonin vi da la forza electrica.

audio
Saira: Zuoz: Bauns d'energia: baund cun WLAN
ord Actualitad dals 21.08.2018.
laschar ir. Durada: 2 minutas 43 Secundas.

Optimar purschida existenta

Ils banchins èn l’emprim project visibel en il rom da la Arena Engiadina (LINK). Per entant è in banc pront a Zuoz e dus a Puntraschigna. Ils ulteriurs bancs d’energia vegnan installads las proximas emnas er en ils auters lieus en Engiadin’Ota. Ils bancs èn posiziunads en lieus, nua che pliras gruppaziuns sa cruschan sco viandants, velocipedists u d’enviern passlunghists.

Nominaziun per E-Lounge

Ils bancs spezials èn producids e montads en il Puschlav per l’interpresa d’electricitad Repower. L’uschenumnada «E-Lounge» saja entant nominada per il Design Award 2019, ha suttastritgà il pledader da Repower, Thomas Grond.

RR actualitad 17:00

Artitgels legids il pli savens