Siglir tar il cuntegn

Header

cuntegn

Chasa da giarsuns Engiadin’Ota Sanaziun stat avant porta – ma nua plazzar ils emprendists

La chasa da giarsuns è vegnida fabritgada il 1968 e sto vegnir modernisada – ina sfida finanziala e logistica.

La chasa da giarsuns a Samedan
Legenda: La chasa da giarsuns a Samedan RTR, Georg Luzzi

La part finanziala... nua ir per raps

Tenor il manader Jan Harbott è la dumonda suenter chombras singulas enorm gronda e quest giavisch e trend vul ins resguardar. 4,6 milliuns vegn a custar tut la fabrica. La mesadad vegn finanziada dal chantun Grischun, ina buna part è previs che las vischnancas da l’Engiadina e Vals dal Sid surprendan. Mo radund 800’000 francs vulan els ramassar cun dumandar a firmas e fundaziuns. Tenor il manader èn ins sin buna via, quai che reguarda la part finanziala.

audio
Jan Harbott: Avant che la sanaziun po cumenzar ston intgins puncts anc vegnir sclerids
02:55 min, Actualitad dals 26.08.2021.
laschar ir. Durada: 02:55 minutas.

La part logistica ... nua plazzar ils emprendists

Qua datti anc potenzial da scleriment. Actualmain èn els vidlonder da chattar ina soluziun cun in vegl hotel, ma ils possessurs èn en tractativas per vender l'object. Ina segunda opziun fiss da deponer containers abitabels sin ina parcella en vischinanza da la chasa da giarsuns. Questa varianta vegn a custar radund in milliun francs empè da radund in quart milliun, sco previs en lur preventiv.

La chasa da giarsuns duess vegnir renovada en trais etappas sur trais onns. Il cumenzament è previs a partir da la primavaira 2022.

RTR actualitad 11:00

Artitgels legids il pli savens

Scrollar a sanestra Scrollar a dretga