Siglir tar il cuntegn

Header

cuntegn

Chasa da tgira Du Lac Il project vegn pli char che previs

50,7 milliuns francs avevan las vischnancas da San Murezzan, Silvaplauna e Segl deliberà per construir la nova chasa da tgira Du Lac. Uss fan ellas quint cun custs da 59,4 milliuns francs. Quai è actualmain in plus da 17%.

Per San Murezzan resultan actualmain custs supplementars da 2,6 milliuns francs. Totalmain vegn fatg quint per il mument cun custs supplementars da 8,7 milliuns francs.

Il motiv è che la construcziun da la nova chasa da tgira sin l'areal Du Lac a San Murezzan Bagn è pli cumplitgada che previs. Quai ha la suprastanta Regula Degiacomi declerà al cussegl communal.

Uschia haja duvrà lavurs supplementaras per il fundament, igl ha dà custs supplementars per dischmetter terra contaminada cun arsen e la surdada da diversas lavurs è actualmain pli chara che fatg quint.

Nagin quint final

Regula Degiacomi ha fatg attent ils cussegliers che las cifras preschentadas na sajan insumma betg definitivas, mabain ina survista tenor las lavurs fatgas enfin uss e tenor las circumstanzas actualas.

Il project prevesa ina chasa da tgira cun 60 letgs, 17 abitaziuns per seniors ed ina chasa da parcar sutterana publica. L'avertura duai esser la fin dal 2024.

audio
Per tadlar curt e cumpact
aus RTR Audio vom 26.11.2021.
abspielen. Laufzeit 1 minuta 14 Sekunden.

RTR actualitad 06:00

Artitgels legids il pli savens

Scrollar a sanestra Scrollar a dretga