La fin da schaner cumenzan las lavurs da construcziun per la nova chasa da tgira Promulins a Samedan. Fin che quella è sanada abiteschan las abitantas ed ils abitants en in bajetg provisoric, nua ch'els vivan lura per trais onns.
Midada il schaner
Uschia fan il schaner las 40 persunas che vivan en la chasa da tgira la midada. Tenor Marion Barandun, la manadra da la chasa da tgira saja quai ina gronda sfida. Tuttina sa legran ella e las collavuraturas ed ils collavuraturs sin las novas localitads.
Provisori persistent
Il bajetg provisoric duai vegnir duvrà vinavant suenter che las lavurs da construcziun èn finidas. Marion Barandun giavischa ch’i dettia abitaziuns per senioras e seniors ord quel. Quai saja però anc da sclerir – sco emprim spetga ussa la midada.
Il project da la nova chasa da tgira pertutga las vischnancas da Puntraschigna fin S-chanf e duai custar var 53 milliuns francs.