Siglir tar il cuntegn
Inhalt

Engiadina Chasa da tgira Promulins vegn il 2019 avant il pievel

Dacurt ha la societad da planisaziun Promulins terminà la concurrenza per la chasa da tgira a Samedan. Gudagnà ha il team ARGE Renato Maurizio, Schmid Schärer.

La chasa da tgira Promulins a Samedan.
Legenda: La chasa da tgira Promulins sco ella sa preschenta uss. MAD

En tut sajan vegnidas inoltradas nov offertas a la concurrenza, ina concurrenza d'onurari. En in'evaluaziun da duas fasas è la societad da planisaziun e construcziun Promulins lura sa decidida da proseguir la collavuraziun cun la «ARGE Renato Maurizio, Schmid Schärer».

Sco ch’il pledader da la societad da planisaziun Promulins, Jon Fadri Huder ha ditg ad RTR, èn las vischnancas responsablas per la chasa da tgira a Samedan sa decididas aposta per ina concurrenza d’onurari e betg ina d’architectura.

En il center da la nova chasa da tgira a Samedan duai esser l’object sco tal e betg l’architectura.
Autur: Jon Fadri Huderpresident communal Samedan

En in proxim pass vegnia elavurà tut las premissas per formular la dumonda da credit. Da decider han ils abitants da Samedan, Schlarigna, Puntraschigna, Bever, La Punt, Madulain Zuoz e S-chanf.

Previs è ch’il credit da construcziun vegn decis la primavaira 2019 a l’urna.

RR novitads 17:00