Siglir tar il cuntegn

Header

cuntegn

Chasa Flurina Renfatschas da violenza

Cunter la Chasa Flurina a Lavin – la chasa che tgira autistas ed autists – datti renfatschas da violenza. Quai mussan retschertgas da Radio SRF. La famiglia dad in autist haja purtà plant pervi dal suspect da diever da violenza l'october 2021 tar l'Uffizi dal servetsch social dal chantun Grischun. Susanna Gadient, la scheffa da l’uffizi ha confermà envers radio SRF che las renfatschas vegnian scleridas. Davart las reproschas n’ha la Chasa Flurina enfin ussa betg prendì posiziun. I vala la presumziun d’innocenza.

Il manader da la chasa, Ueli Hintermann, ha cumenzà 1982 en la Chasa Flurina a sustegnair pazients e pazientas cun autissem. L’onn passa era previs che dus collavuraturs surpiglian il manaschi. Dentant han quels bandunà l’instituziun. L’entschatta da zercladur ha Ueli Hintermann communitgà, ch’el chalia sco manader. La direcziun da la chasa ha decidì areguard las difficultads sin differents livels dapi l’october 2021 da serrar la chasa la fin da l’onn. Sco l’Uniun Chasa Flurina scriva sin sia pagina d’internet, na saja betg pussaivel da chattar ina substituziun en temp raschunaivel senza l’agid d’Ueli Hintermann.

audio
Per tadlar: Las novitads da las 15:00
ord RTR Audio dals 02.08.2022.
laschar ir. Durada: 3 minutas.

RTR novitads 15:00

Artitgels legids il pli savens