Siglir tar il cuntegn

Header

cuntegn

Chasa polivalenta Valchava Midà idea – nagina vendita da la chasa

La suprastanza communala da Müstair ha reponderà e tuttina decis da betg vender la chasa polivalenta a Valchava.

La chasa polivalenta en la fracziun da Valchava en Val Müstair na vegn betg vendida. La suprastanza communala aveva previs da vender, sinaquai hai però dà opposiziun.

Cun referendums, chartas ed artitgels en las medias ha la populaziun reagì sin la decisiun da la suprastanza da vulair vender l'object. Ussa ha la suprastanza reponderà sia decisiun, quai tenor ina communicaziun en il Mas-chalch, la gasetta da la Val Müstair. In vendita da las abitaziuns duai capitar mo sch'i dat ina desditga davart abitants ed abitantas. Plinavant duess lura quella abitaziun valair sco emprima abitaziun, quella duess vegnir vendida mo a persunas che prendan domicil a Valchava.

La suprastanza communala da Müstair aveva argumentà la vendita cun il fatg che la chasa n’appartegnia betg a la facultad da finanzas e n'haja nagina funcziun per la gestiun communala. Plinavant stoppian en avegnir vegnir fatgas investiziuns da radund 150’000 francs per il mantegniment.

audio
Per tadlar curt e cumpact
ord RTR Audio dals 04.11.2021.
laschar ir. Durada: 56 Secundas.

RTR novitads 06:00

Artitgels legids il pli savens