Siglir tar il cuntegn

Header

video
I va tuttina vinavant cun la chascharia da Ftan
Or da Telesguard dals 28.10.2020.
laschar ir
cuntegn

Chascharia a Ftan Nagina chascharia moderna – ma tuttina ina chascharia

Uss èsi cler, ch'i na vegn a dar nagina nova chascharia a Ftan. Plans, concepts ed ideas persuenter devi gia dapi il 2014, ma uss èn quels giud maisa. Il manaschi cuntinuescha dentant en ina furma pli modesta che planisà oriundamain.

Be dus purs mainan lur latg en la chascharia, quai per producir era en avegnir differents products sco fondue, jogurt e chaschiels spezials cun il label «Ftan». Tut ils auters purs han ina cunvegna directa cun la Lataria Engiadinaisa SA, curt LESA.

Tenor infurmaziuns dal president da la societad chascharia Ftan, ha la chascharia a Ftan er per il futur ils permiss necessaris, era sche la chascharia è vegnida en ils onns. La chascharia è vegnida fabritgada l'onn 1959.

Dal 2014 era vegnì preschentà in project per realisar ina butia, in bistro ed ina chascharia da demonstraziun. Il 2018 lura ha la vischnanca da Scuol intervegnì ed ha pretendì da fabritgar dasper la chascharia trais chasas per abitar. Causa mancanza dad investiders è il project betg vegnì realisà.

RTR novitads 12:00

Artitgels legids il pli savens

Scrollar a sanestra Scrollar a dretga