Siglir tar il cuntegn

Header

cuntegn

Chatscha 2021 Sbaglià in chaval cun in chavriel

A Chapella en l'Engiadin'Ota ha in chatschader sajettà senza vulair sin in chaval. Sco quai che la polizia chantunala communitgescha, haja il chatschader l'emprim vesì in buc-chavriel e saja suandà quel en il God God. Lura haja el sajettà sin in animal che n'era betg lunsch davent da là, nua ch'il chavriel è stà. Suenter ha il chatschader constatà d'avair tutgà in chaval islandais. Immediat haja quel annunzià il scumbigl tar la surveglianza da selvaschina.

Il chaval è stà blessà uschè ferm ch'il veterinari l'ha stuì durmentar anc al lieu. Il chatschader lascha valair tut e vegn denunzià tar la procura publica.

audio
Per tadlar: Las novitads da las 17:00
ord RTR Audio dals 08.09.2021.
laschar ir. Durada: 4 minutas 20 Secundas.

RTR novitads

Artitgels legids il pli savens