Chatscha Grischuna - Lantschar il pli bel temp da l’onn cun tuns dal corn da chatscha

Cura che la gruppa da corns da chatscha Scuol envida ad in concert sin Plaz a S-charl, n’è la data dal cumenzament da la chatscha grischuna era betg lunsch davent. Per ils chatschaders è quel inscunter perquai er ina sort ritual.

Nus sunain en la chatscha ed avertin ils tschiervs cun noss tuns ch’i na va betg pli ditg fin che ina pluna da chatschaders èn per ils guauds enturn.

Tar pli u main mintgin dals 13 umens è il puls gia pli aut en vista a las trais emnas da chatscha. E l’inscunter entasum la Val S-charl ils dettia adina puspè anc in stumpelin en pli, circumscriva Mario Duschèn da Scuol il stadi dal chatschader.

La gruppa da corns da chatscha Scuol ch'exista dapi il 1984 consista actualmain da 13 cornists. Anc adina da la partida è er Ruodi Duschletta, in dals co-fundaturs da la gruppa. Commembers èn tut umens, ils statuts na lubeschan numnadamain naginas dunnas.

1 / 13

2 / 13

3 / 13

4 / 13

5 / 13

6 / 13

7 / 13

8 / 13

9 / 13

10 / 13

11 / 13

12 / 13

13 / 13