Siglir tar il cuntegn

Header

cuntegn

Engiadina Chattà bischutaria en la valita da plirs 100'000 francs

Ina viandanta dal chantun Son Gagl ha chattà il mardi passà bischutaria en in guaud datiers da Samignun. I sa tracta da cliniez ch'era vegnì engulà avant radund in mais en la bischutaria Zegg a Samignun.

La bischutaria, oravant tut uras, è stada zuppada en in foss en il guaud. La viandanta Ruth S. dal chantun Son Gagl era vid tschertgar bulieus ensemen cun ses ami. Empè da bulieus han els dentant chattà bischutaria en la valita da plirs 100'000 francs. Per ella saja quai stà ina situaziun sco en in film. Suenter questa scuverta han ils dus turists immediat alarmà la polizia.

audio
Saira: Bischutaria engulada è vegnida chattada en il guaud
ord Actualitad dals 17.09.2018.
laschar ir. Durada: 2 minutas 2 Secundas.

La polizia chantunala ha confermà l'istorgia da Ruth S. Tenor Roman Rüegg, da la polizia, saja quai propi bischutaria ch'è vegnida engulada ils 16 d'avust a Samignun. Daco ch'ils laders han empruvà da zuppar la rauba engulada en il guaud, n'è betg cler. Tenor Roman Rüegg na sajan las investigaziuns anc betg finidas.

Ils 16 d'avust avevan trais persunas rut en en ina bischutaria a Samignun e quasi sblundregià l'entira butia. Ils laders eran dentant vegnids arrestads paucs dis pli tard en l'Italia.

RR actualitad 17:00

Artitgels legids il pli savens