Siglir tar il cuntegn

Engiadina Chattà chemicalias en ils Lais da Macun

Collavuraturs da Greenpeace han chattà chemicalias cun il num «PFC» en differents lais muntagnards sin l'entir mund, tranter auter era en ils Lais da Macun en il Parc Naziunal Svizzer.

Legenda: Guardar il video «Chemicalia PFC en ils Lais da Macun». Durada 1:32 minutas.
Or da Actualitad video dals 09.09.2015.

Tenor Greenpeace pon questas chemicalias esser donnegiusas per la reproducziun e far crescher pli spert tumors. Er influenzeschian ellas il sistem d’ormons.

Nagina raschun da far quitads

Las quantitads ch'ins haja chattà sajan fitg pitschnas, uschia ch’ins na stoppia betg far quitads. Ins vegnia dentant ad integrar ils resultats en ils agens studis.

PFC vegn tranter auter avant en giaccas d’outdoor, guants u chalzers.
Legenda: PFC vegn tranter auter avant en giaccas d’outdoor, guants u chalzers. Keystone

RR novitads 18:00