Hans Ulrich Bühler è ustier e possessur da l’ustaria da muntogna Glattalp en il chantun Glaruna. Sco quai che Gian Zanotta da l’uffizi da scussiun En ha confermà saja l’affar per 99 % sut tetg.
Crediturs porschan maun
Grazia ad ina vendita a maun liber, poss ins era evitar l’ingiant da l’hotel ch’aveva annunzià la fin da schaner il concurs.
Ils crediturs da l’hotel Schweizerhof sajan perencletgs cun la procedura, ha agiunt Gian Zanotta. Il cumprader veglia surpigliar cun la cumpra da l’hotel er gista tut l’inventar ed ils stabiliments che tutgan tar la massa da concurs.
Reavertura il zercladur
Tar l’Uffizi da scussiun En spetg ins uss sin il pajament dal cumprader potenzial per l’hotel Schweizerhof ils proxims dis. Apaina ch’ils raps sajan sin banca, poss ins preparar il contract. Previs saja ina reavertura dal stabiliment il pli svelt pussaivel, ha declerà Zanotta. Quint poss ins far cun cumenzament da fanadur 2016.
RR novitads 16:00