Siglir tar il cuntegn

Engiadina Chattà fastizs da dinosaurs en Engiadina

Al Piz S-chalambert en l'Engiadina Bassa ha in chatschader da Sent chattà avant curt fastizs da dinosaurs.

um sin piz sper fastizs da dinosaurs
Legenda: Il chatschader da Sent Mario Riatsch ha chattà fastizs da dinosaurs. MAD

Il paleontolog da l'universitad da Basilea Christian Meyer ha confermà envers RTR, che las passivas chattadas al Piz S-chalambert sajan probablamain da plirs dinosaurs. Quai rendia la truvaglia al Piz S-chalambert speziala e tenor Christian Meyer èsi er l'emprima giada ch'ins ha chattà fastizs da dinosaurs en la stresa da Silvretta.

Ils fastizs cun in diameter da 60 centimeters sajan probabel tranter 210 e 215 milliuns onns vegls. L'onn che vegn duaja dar in'expediziun per pudair intercurir meglier la scuverta.

Avant radund 10 onns han ins chattà fastizs da dinosaurs al Piz Ela e Piz Mitgel. E gia l'onn 1961 han geologs chattà fastizs da dinosaurs en il territori dal parc naziunal.

RR novitads 06:00