Siglir tar il cuntegn

Header

video
Co reagir sch’in chaval sa chatta en ina situaziun d’urgenza?
Or da Telesguard dals 14.05.2024.
laschar ir. Durada: 3 minutas 41 Secundas.
cuntegn

Chavals Emprim agid po salvar vita

Co reagir sch’in chaval sa chatta en ina situaziun d’urgenza e co bada ins insumma ch’in chaval na stà betg bain? Da quellas dumondas sa han occupads ils participants e las participantas d’in curs d’agid d’urgenza per chavals sin il bain da chavals San Jon sur Scuol.

audio
Curs d'agid d'urgenza per tractar chavals
ord Actualitad dals 14.05.2024. Maletg: RTR
laschar ir. Durada: 2 minutas 12 Secundas.

Enconuscher anatomia dal chaval

Tenor la veterinaria e manadra dal curs, Sibylle Lüthi, èsi impurtant ch’ils possessurs da chavals enconuschan l’anatomia. Uschia enclegian els meglier ils differents sintoms da malsognas u feridas. Dar emprim agid – vul dir savair mesirar fevra u il puls. Cun quellas infurmaziuns sa possian ins sustegnair al veterinari via telefon – enfin ch’el saja in il lieu.

Tractar feridas pitschnas

Er feridas pitschnas stuessan chavaltgaders pudair tractar sasez. Liar ina fascha – quai n’è però betg uschè simpel. Numnadamain ston ins savair quant ferm ch’ins po trair, per ch’igl n’è betg memia ferm e betg memia luc. Savair gidar ad in chaval sch’el è en ina situaziun d’urgenza, quai vul pia esser exercità – sa però salvar vita!

RTR Telesguard 17:40

Artitgels legids il pli savens