Siglir tar il cuntegn

Header

cuntegn

Chavorgia a Puntraschigna L'Ova da Bernina duai daventar in'attracziun er la stad

Puntraschigna vul far accessibel la chavorgia «Ova da Bernina» durant l’entir onn per turists e viandants. Sco Puntraschigna Turissem scriva, ha la vischnanca per realisar questa visiun, lantschà ina concurrenza d’ideas.

Per questa concurrenza duain vegnir inoltradas propostas per ina senda tematica, in punct panoramic sco er ina plazza per seser e passentar il temp. Sin basa da las sendas existentas dad omaduas varts da la chavorgia duain er vegnir elavuradas propostas per ina senda circulara che includa las punts Surova e Punt Ota.

En futur duai la chavorgia uschia er attrair la stad turistas e turists, scriva Puntraschigna Turissem. Actualmain è la chavorgia enconuschenta durant l'enviern per raiver sin glatsch.

audio
Tadlar las novitads da las 11:00
ord RTR Audio dals 04.03.2021.
laschar ir. Durada: 2 minutas 35 Secundas.

RTR novitads 11:00

Artitgels legids il pli savens