Siglir tar il cuntegn

Header

cuntegn

Engiadina Chesa Brunal a San Murezzan duai vegnir vendida

La Chesa Brunal duai vegnir vendida per 12 milliuns francs ad ina persuna privata, uschia la decisiun dal cussegl communal da San Murezzan.

La chasa dal 1911 è tras ina donaziun dapi trais onns en possess da la vischnanca da San Murezzan. Surtut il lieu da la Chasa Brunal cun vista sin il Lai da San Murezzan è fitg prezius.

Betg vender la chasa ad in privat

Encunter ils plans da la suprastanza communala è sa furmada avant trais emnas ina gruppa d’interess, la IG Chesa Brunal. La finamira da la gruppaziun enturn Marie-Hélène Froidevaux e Cornelia Clavadätscher è d’impedir la vendita da la chasa. Tar quella tutgan set stanzas ed in’abitaziun daspera per il persunal.

La tema è gronda ch’ils raps d’ina vendita svaneschian simplamain en la birocrazia da la vischnanca.
Autur: Marie-Hélène Froidevaux IG Chesa Brunal

Nus na capitulain betg

Malgrà ch’il parlament da San Murezzan ha approvà la missiva «vendita Chesa Brunal», veglia la gruppa d’interess tuttina anc empruvar da sensibilisar la populaziun per la tematica, uschia Marie-Hélène Froidevoix. Senza ina empermischun da la vischnanca, per tge ch’ins duvrass ils raps da la vendita, saja il risico memia aut.

La populaziun da San Murezzan ha da decider ils 20 d’october 2019 davart la vendita da la Chesa Brunal. Il contract cun il cumprader vegnia gia suttascrit ils proxims dis, quai sut la premissa ch’il suveran dia Gea a l’urna.

audio
Per tadlar curt e cumpact
ord Actualitad dals 30.08.2019. Maletg: MAD
laschar ir. Durada: 1 minuta 12 Secundas.

RR novitads 12:00

Artitgels legids il pli savens