Avant radund 80 onns han quatter dunnas, possessuras da la «Chesa Planta» a Samedan, surdà quella ad ina fundaziun cun la finamira da promover la lingua e cultura rumantscha.
Davos las miraglias da la Chesa Planta sa zuppan insaquantas istorgias che be spetgan da vegnir raquintadas.
Ina chasa – dus munds
Ina part da la chasa è fabritgada simpel e modest, locals in lain. L’autra part percunter è en stil baroc. Ina exposiziun speziala preschenta la vita, il destin e las tragedias da las set dunnas de Planta a Samedan che han vivì en questa chasa patriziana.
Program da stad 2021
Dunnas è il tema, l’entschatta fan l’autura Sara Francesca Hermann che raquinta sur da las dunnas de Planta, e la percussiunista Valeria Zangger che ha endrizzà ina installaziun audiovisuala.
Emnas da lingua e cultura, prelecziuns, suns e tuns – in program per giuven e vegl segua durant tut la stad 2021. «Dunnas» è il tema, dunnas che han surdà la «Chesa Planta» ad ina fundaziun, e quellas vegnan ussa a pled.