Cun giaccas chaudas, in schal enturn culiez e cun ina chapitscha per cuvernar las ureglias vegn fatg prova da chant. Sa chapescha sin pe, per seser fissi propi memia fraid.
La dirigenta Braida Janett dat en il tun. Els chantan chanzuns main pretensiusas, damai che chantar sut questas circumstanzas è gia ina sfida per sasez.
L’idea è naschida durant la primavaira, da quel temp eri scumandà da far provas dadens causa la pandemia da corona.
Il basegn da s’inscuntrar è grond
Chantaduras e chantadurs da differents lieus da l’Engiadina Bassa s’inscuntran per chantar ensemen. La maioritad è gia commember u commembra dal chor da vischnanca da lur vitg, ma causa la situaziun da corona avevan quels chalà cun las provas. Dentant han singuls chors da vischnanca puspè cumenzà cun lur provas.
Il concert da quest cor ad hoc da Sent ha lieu ils 4 da december a partir da las 16.30 sin differentas plazzas da la vischnanca da Sent.