Christian Hartmann è stà durant 18 onns deputà a Cuira ed ha represchentà l’anteriur Circul d’Engiadin’Ota en il parlament. Durant quel temp è el sa concentrà surtut sin la politica da la lingua e dal turissem.
Classica carriera politica
Cumenzà sia carriera aveva Christian Hartmma sco commember dal cussegl communal da San Murezzan, nua ch’el ha represchentà 12 onns la fracziun da Champfèr. Dal 2000 è l’um oriundamain da S-chanf vegnì elegì en il Grond Cussegl. Sper engaschaments en diversas cumissiuns e fundaziuns, era l’agent da segiranzas pensiunà sa concentrà ils ultims onns sin sia famiglia e sia passiun da giugar a teater.