Siglir tar il cuntegn

Header

cuntegn

Engiadina Cifras nairas en Val Müstair

La vischnanca da la Val Müstair prevesa per l'onn proxim cifras nairas. Tar expensas da 13,5 milliuns francs prevesa la vischnanca entradas da radund 13,8 milliuns. Damai in surpli d'entradas da passa 300'000 francs.

Ils 57 participants da la radunanza communala da mesemna saira han approvà il preventiv 2018 communal e differents preventivs regiunals. La vischnanca Val Müstair investescha l'onn proxim en numerusas parts da l'infrastructura communala, sco era agricula e forestala. Concret è vegnì decidì davart preventivs per il provediment d'electricitad, il center da sanadad ed il parc natural Biosfera en la Val Müstair. Tranter las investiziuns sa chatta er la contribuziun dad 1,3 milliuns per il project La Sassa Minschuns.

Il pe da taglia resta tar 120% da l'imposta simpla chantunala.

RR novitads 16:00

Artitgels legids il pli savens