Siglir tar il cuntegn

Header

cuntegn

Claustra da Müstair Priura Aloisia Steiner reelegida

La communitad da las mungias benedictinas da la Claustra da Müstair ha confermà la priura Aloisia Steiner en ses uffizi. Ella maina il convent gia dapi trais onns. Entras questa conferma resta ella en uffizi per in temp betg limità, hai num en ina communicaziun da las mungias. L'avat Vigeli Monn da la claustra da Mustér ha manà l'elecziun.

Aloisia Steiner ch'è oriunda dal Tirol dal sid era entrada cun 27 onns en il convent da la claustra da Son Jon. Uschia enconuscha la priura da 71 onns bain la cumminanza e po cuntinuar la collavuraziun cun la fundaziun pro claustra Son Jon che restaurescha il stabiliment che fa part al Patrimoni cultural mundial.

Or da l'archiv

video
Novitads
Or da Telesguard dals 02.10.2019.
laschar ir. Durada: 45 Secundas.

RTR novitads 10:00

Artitgels legids il pli savens