Siglir tar il cuntegn

Header

cuntegn

Claustra Son Jon La directura dal museum Elke Larcher banduna la Val Müstair

Elke Larcher, la directura dal museum da la claustra Son Jon a Müstair, banduna la val. A partir dal zercladur maina ella il museum dal district claustral a Son Gagl.

Il cussegl d’administraziun ha elegì Elke Larcher, perquai ch'ella enconuschia las pretensiuns spezialas da la lavur: Tant la Claustra Son Jon sco er il district claustral a Son Gagl tutgan numnadamain tar il bain cultural mundial da UNESCO. Plinavant enconuschia ella bain l'istorgia ed la ierta spirituala da las claustras. Quai scriva la Part da confessiun catolica dal chantun Son Gagl.

Elke Larcher è oriunda dal Tirol dal Sid. Ella ha studegià Slavistica ed Anglistica a Puntina (Innsbruck). Dapi l'onn 2007 lavura ella en Val Müstair sco directura dal museum e sco responsabla per communicaziun e marketing.




Ord l'archiv

La statua da la Sontga Maria è vegnida entagliada en il 14avel tschientaner e lura sparida da la terra. Dapi intgins onns sa chatta ella en la calustra San Jon a Müstair – là nua che l’istorgia ha cumenzà.

video
La Madonna è turnada
Or da RTR dals 18.11.2016.
laschar ir. Durada: 2 minutas 33 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga