Las 9 benedictinas da la Claustra Son Jon han uss ina stanza da tgira en lur atgnas 4 paraids – uschia pon ellas vegnir tgiradas tras malsognas ed er vegnir accumpagnadas fin a l’ultim di da lur vita.
Quella stanza ha la claustra sviluppà ensemen cun la Spitex. Ils basegns dal persunal medicinal ed ils basegns da la pazienta èn uschia vegnidas resguardads il meglier pussaivel.
La stanza da tgira sa chatta sper la clausura, uschia ha la pazienta la pussaivladad da sa participar a la vita dal mintgadi claustral, sch’ella vul.
Dapi dus onns en lavur
Il 2018 han ins cumenzà cun il project da la stanza da tgira. La fundaziun Pro Claustra Son Jon ha pussibilità la realisaziun.
Il pli bel è, che la fundaziun Pro Claustra Son Jon na sustegna betg mo mirs vegls e reliquias. Ella sustegna surtut la vita en il convent.
Cun questa stanza da tgira na ston las soras da la Val Müstair betg pli ir en in center benedictin, sco per exempel a Sarnen, sch'ellas daventan dependentas da tgira. Ellas pon restar en lur dachasa enfin l’ultim di da lur vita.
-
Bild 1 von 5Legenda: En la Claustra Son Jon vivan 9 mungias benedictinas RTR/U. Morell
-
Bild 2 von 5Legenda: Stanza pussibilitescha ina buna tgira, era dal persunal medicinal RTR/U. Morell
-
Bild 3 von 5Legenda: Il grond giavisch è, da pudair restar a chasa RTR/U. Morell
-
Bild 4 von 5Legenda: 2018 han ins cumenzà cun il project RTR/U. Morell
-
Bild 5 von 5Legenda: Pudair restar a chasa in lur famiglia RTR/U. Morell