La radunanza communala da Silvaplauna di gea unanimamain cun 95 vuschs a la nova organisaziun Engiadina San Murezzan Turissem. Quai è il sisavel gea en Engiadin'Ota. Tut las 12 vischnancas da l'Engiadin'Ota ed era Bregaglia ston dir gea per che la nova societad d'aczias vegn fundada.
Cler gea era per sustegnair l'hotel Conrad's Mountain's Lodge
La radunanza communala da Silvaplauna ha era ditg gea a la midada da zona e cun quai ad in sustegn dad 1,5. miliuns francs per renovar l'hotel Conrad's Mountain Lodge. L'hotel è nov en la zona d'hotels e na po damai betg pli vegnir utilisà auter. Il possessur survegn percunter 1,5 miliuns francs à fond perdu per renovar ses hotel.