Perquai che la manadra da l’interpresa ed il cussegl administrativ hajan «avis differents a reguard la direcziun futura da l’interpresa» sajan els sa cunvegnids ensemen da finir la relaziun da lavur, explitgescha la clinica. La gruppa da clinicas vegnia manada ad interim puspè dal medi e delegà dal cussegl administrativ Adrian Urfer, l’anteriur CEO.
Anke Senne vegnia ad accumpagnar las proximas emnas anc projects impurtantas e sortir suenter da l’interpresa. La Clinica Gut SA veglia dentant cumenzar per immediat da tschertgar ina successura u in successur da Senne.
Anke Senne aveva surpiglià gia il december 2016 da manar ils affar da la Clinica Gut SA – quai be sis mais suenter ch’ella era vegnida l’avrigl 2016 sco scheffa da finanzas en l’interpresa. Senne aveva lavurà gia avant radund 12 onns en las direcziuns dad ospitals e clinicas en Germania.
...dà lavur a passa 230 persunas en sias clinicas a San Murezzan, Cuira e Fläsch ed ella ha praticas ad Ascona, Buchs e Turitg. L'interpresa è sa spezialisada sin chirurgia dad accidents, dad egls e chirurgia ortopedica sco er en l’anestesia/ terapia da dolurs e la medicina da sport. L’onn passà ha ella festegià ses 30avel giubileum.
RR novitads 15:00