El haja transcrit ses entir pachet d'aczias a la nova possessura. Las radund 100 plazzas da lavur en la regiun sajan garantidas.
Bulfoni aveva fundà la clinica il 2010. Ella è spezialisada sin cas da «burn-out». La Senevita SA è activa en il sectur da tgira e da l'abitar assistì. Ella occupescha radund 1'800 persunas.
La Senevita SA è enavant part da la gruppa ORPEA, ina firma franzosa che posseda gia clinicas spezialisadas en il sectur da stress. Tenor il CEO da la Senevita SA, Hannes Wittwer han persvadì oravant tut la bun'organisaziun e la cumpetenza professiunala da la Clinica Holistica a Susch. Vegn vitiers ch'il possessur Matthias Bulfoni è en la vegliadetgna da pensiun ed ha tschertgà ina soluziun per l'avegnir.
L'anteriur possessur Matthias Bulfoni resta enavant en il cussegl administrativ da la Clinica Holistica Engiadina a Susch.
RR novitads 06:00