Siglir tar il cuntegn

Header

Video
Tribunal federal decida en favur da Clinica Holistica Engiadina
Or da Telesguard dals 12.11.2019.
laschar ir
cuntegn

Clinica Holistica Engiadina Turitg sto surpigliar ils custs da pazients turitgais

Ils pazients da burnout en la Clinica Holistica Engiadina a Susch na derivan betg tuts dal Grischun, mabain er d'auters chantuns. Dapi tschintg onns na surpiglia il chantun Turitg però betg pli ils custs per ils pazients turitgais. Il Tribunal federal ha uss decis che l'agir da Turitg cuntrafa a l'uschenumnada libertad d'eleger sez l'ospital.

La clinica ha avert sias portas l'onn 2010 e dapi lura è ella plaina. Mintg'onn tracta ella var 550 persunas cun problems psichics. Ina part da quels derivan er dal chantun Turitg. Dapi il 2014 han quels però stuì pajar ina part dals custs per lur tractament ord l'atgna bursa. La direcziun chantunala da sanadad da Turitg aveva numnadamain decis da limitar las plazzas per pazients turitgais en la clinica a Susch.

Perquai che mintgin ha il dretg da decider sez en tge ospital ir, ha il fundatur da la clinica Mattias Bulfoni stuì ir fin al Tribunal federal. E quel ha finalmain decis a favur da la clinica.

Chantun Turitg sto pajar enavos

Tenor la sentenzia dal Tribunal federal sto il chantun Turitg pajar enavos ils daners ch'ils pazients han stuì pajar sezs ils ultims tschintg onns. L'autezza da questa summa n'ha Mattias Bulfoni betg vulì tradir.

RR actualitad 17:00